والله ماعفـتك ولاقـــد طـــرالي (&) محداً يعيف أنفاس روحه وهو حي

[سحمي الهاجري]

من عافني عفته ولوهو موالي=وأكرّم المكرم كرم حاتم الطي
البارحه نوم الهنا ماصفالي=عيفت عيني نومها ليه ياخي
تقول أنا عفتك وذا مابدالي=لالا ولو يطوى على أرقبتي الطي
والله ماني عايفك ياحلالي =يامنيت العينين هذي قبل ذي
فالعين لك صوره رسمها خيالي=وفالقلب لك حباً مشعشع كما الضي
وشلون أعيف العز ياراس مالي=وشلون أعيف أمن الضمى ريت المي
والله ماعفتك ولاقد طرالي=محداً يعيف أنفاس روحه وهو حي
ياروح روحي مبطياً وانت غالي=وبتبطي وحبك بعد مانقص شي
لاتحسب أن البعد والله هنالي= ولاتحسب أن البعد عنك كما الفي
القلب من فرقاك يصلاه صالي=طاريك لامنه طرى جدد الكي
والله ماعفتك ولاقد طرالي=محداً يعيف أنفاس روحه وهو حي

وسلامتكم


وأهدي لكم جرة القصيده بصوت شاعرها أخوكم أبوماجد
http://9q9q.net/9q9q.net.gif (http://upload.9q9q.net/file/DfCooLAC52Z/------------------------.amr.html-Accounting.html)

[محمد الحياني]

الله يسعدك يالغالي

لا انت ولا ابو ماجد

الف شكر

وابيض وجه

مبدع ...... الخ...

[عبدالله المهداني]

صح والله لساانك يابو ماااجد مليااااااااااااااار



مبدع

وانت تعرف رائي


ولكن تراك ملخبط في المقطع




تحياتي

[السلطان]

صح الله اللسانك و الرتفع شانك و شاعرها

[ناصر عوض القحطاني]

صح لسانك ياذيبان قصيدة معبرة والله يعطيك العافية

[سحمي الهاجري]

محمد الحياني

بيض الله وجهك ولاهنت يالغالي على المرور والتعليق الطيب

أطيب التحايا

أخوك ابوماجد

[سحمي الهاجري]

ابوسعود

صح بدنك

لاهنت وبيض الله وجهك ياسنافي على التنويه وهذي غلطه مطبعيه

تم التعديل فديتك

أطيب معاني الموده والاحترام

أخوك ابوماجد

[سحمي الهاجري]

السلطان

بيض الله وجهك ولاهنت يالغالي على المرور والتعليق الطيب

أطيب التحايا

أخوك ابوماجد

[سحمي الهاجري]

مايحتاج

بيض الله وجهك ولاهنت يالغالي على المرور والتعليق الطيب

أطيب التحايا

أخوك ابوماجد

[مداهيل الرجال]

يعطيك العافية

وسلمت وصح الله لسانك و كفيت العجم

تقبل تحياتي

[سعد المهداني]

لا هنت يا الهاجري

والمقطع غير تأكد